Кашни çулах, ака уйăхĕн 25-мĕшĕнче, Чăваш чĕлхи кунне уявлатпăр. Çак уяв вăл  чăвашсене çутта кăларнă И.Я.Яковлев çуралнă кунĕпе çыхăннă. Çавăнпа та кашни çулах  Чăваш чĕлхи эрнине ирттеретпĕр.  Пирĕн шкулта , хăнăхнă йăлапа, Чăваш чĕлхи эрни пуçланчĕ.

  Ака уйăхĕн 18-мĕшĕнче  7-мĕш класра вĕренекенсем  чăваш чĕлхи çинчен çырнă сăвăсене  пăхмасăр  каларĕç. Николай Сандров, Çеçпĕл Мишши, Анатолий Юман, Александр Савельев-Сас,  Юхма Мишши, Яков Ухсай, Георгий Ефимов çырнă сăвăсене вĕренекенсем çав  тери ăста вуларĕç. Жюри членĕсем ачасен пултарулăхне тивĕçлипе хакларĕç. Пурне те тăвăллăн алă çупса саламларĕç.