Ака уйӑхӗнче  чӑваш чӗлхипе литература эрнине ирттересси йӑлана кӗнӗ темелле ӗнтӗ. Кӑçал та эпир ӑна анлӑн уявлама палӑртрӑмӑр.

   Чӑваш чӗлхи вӑл – пирӗн тӑван чӗлхе. Çак чӗлхине халӑх темиҫе ӗмӗр хушши аталантарнӑ, якатнӑ. Ҫавӑнпа та вӑл пуян та илемлӗ, янравлӑ та ҫепӗҫ, ырӑ та асамлӑ.

«Чǎваш чěлхи-тǎван чěлхе

Эс- чи пахи, эс -чун уççи.

Чǎваш чěлхи- тǎван чěлхе,

Пин чěлхерен чи çепěççи»,- тесе калас килет пирӗн пурин те.   

  Чӑваш чӗлхи эрни пуçланчӗ. Паян, ака уйӑхӗн 22-мӗшӗнче,  Кӗçӗн Кипек шкулӗнче вӗренекенсем чӑваш чӗлхин пуянлӑхне, илемне  тӗрлӗ презентацисем курса тата та ытларах туйса илчӗç пулӗ. Çак кун пуриншӗн те усӑллӑ иртрӗ темелле.